Drake-a'n Australia leh New Zealand Tour la awmte cancel

Canadian rapper leh singer Drake chuan Australia leh New Zealand-a Anita Max Win Tour a neih tur atana show hralh chhuah tawh pali a ṭhulh. Heng show an ṭhulh tak te hi a hun tur ruat ṭha lehin, show dang eng emaw zat an belh dawn tih a thupuangtu chuan a sawi.

Drake hian Melbourne, Perth, Brisbane leh Sydney-a a show lian tham chu a zo fel tawh a, show pali a cancel takte hi March 4 - 16 inkara Auckland, Brisbane leh Sydney-a mi turte an ni. Show cancel a nih avangin Drake leh a team chuan ngaihdam an dil a, an hun hman tawhah hun hlimawm tak hmangin kir leh thuai pawh an tum tih an sawi. Show ṭhulh a nihna chhan hi sawichian a ni lo a, remchan lohna a awm vang niin sawi mah se chhan dang a awm nia ngai tam tak an awm thung.