'Shrek 5' film character lan danin sawisel hlawh

Shrek 5 animation movie thar tur trailer chu tih chhuah a ni a, mahse second 27 awh trailer-a character-te lan dan chuan fan-te a ti lawm loin sawisel a hlawh hle. Movie trailer -ah hian Shrek, Fiona, Felicia, Donkey leh Pinocchio te an lang a, mahse Shrek movie danga an lan dan nen danglamna nasa tak awm tiin, Shrek landan bikah hian "botox leh face lift" ti angin a lang niin an sawi bawk.

Movie tharah hian Shrek movie tana voice actor ngai - Shrek (Mike Myers), Princess Fiona (Cameron Diaz), leh Donkey (Eddie Murphy)-te chuan an aw an rawn thawh leh dawn a ni. Shrek leh Princess Fiona-te fanu, Felicia aw chu Spider-Man movie actress Zendaya-in a thawh bawk. Felicia hi 'Shrek The Third' 2007-a tih chhuahah khan a phirpui,Fergus leh Farkle te nen an lang ve ṭan a ni. Shrek 5 hi December 2026-ah tlangzarh tum niin Shrek movie hnuhnung ber chu 2010-a chhuak, 'Shrek Forever After' kha a ni. Sawiselna nasa tak karah Blue Zoo Animation hotu chuan producer lamin script leh character an siam dik phawt chuan fan leh thlirtu lam chuan an ngainat leh ngei a rin thu a sawi ve thung.