Texas-a Black Cowboy culture pholangtu 'Cowboy Carter'

Beyonce album pariatna leh 67th Grammy Award-a 'Best Country Album' a dawnpuina, 'Cowboy Carter' chu Texas-a cowboy culture-a mihang an in hnamhnawihna thuk tak awm pholang tu nia sawi a ni. Cowboy culture hi mingote nunphung pholangtu nia sawi ṭhin chu a rawn sawi danglam a ni.

Kum 1800 tir lamah khan cowboy pali awmah pakhat chu mihang an ni ziah ṭhin tih a ni. African American zingah pawh cowboy nunphung chu a in phum thuk hle a, 1950 chhoah khan mihang cowboy Bill Pickett chu mihang zingah a hmasa ber turin National Rodeo Hall of Fame-ah lawm luh a lo ni tawh. Beyonce album 'Cowboy Carter' hi country music leh cowby culture-ah mihang in hnuhma an lo neih len zia leh an nun phungah pawh thuk tak a in phum a ni tih pholang tu pawimawh tak a ni tia sawi a ni bawk. Country music huangah mihang hlawhtling tak tak Lil Nas X leh Blanco Brown-te awmin, anni bakah hian banjo player Rhiannon Giddens leh singer-songwriter Brittany Spencer chu country music-huanga thawm nei lian an ni bawk. Beyonce album 'Cowboy Carter' ah pawh an thawk ho a ni.