Comedic thriller-ah Tatiana Maslany chang dawn

Emmy award dawngtu, Canadian actress Tatiana Maslany chu Apple TV+ series comedic thriller 'Maximum Pleasure Guaranteed' ah a chang dawn. Maximum Pleasure Guaranteed hi darkar chanve chhung awh, dark comedic thriller a ni a, Apple Studios leh Counterpart Studios chuan episode 10 thleng an siam dawn.

Maslany hi tun hnaia tih chhuah horror feature, 'The Monkey' ah a chang a, kar hmasa khan domestic box office-ah pahnihna a ni. Kum 2016 khan BBC America’s Orphan Black-a a role hrang hrang hmangin Emmy award a dawng a, Disney+ Marvel film, 'She-Hulk: Attorney at Law' ah pawh a chang bawk. Maslany hi Paramount+Star film thar, 'Trek: Starfleet Academy' ah guest star a ni dawn bawk.