Mizo Idol top 7 Lalremruati a tel ve ta lo

Mizo Idol top 8 aṭangin tunah chuan pasarih chauh an awm ta a, Lalremruati tel loin Idol intihsiak a ni ta a, Saiha nula Lalremruati hi top 7-ah a inhlangkai zo ve ta lo a ni.

Thawhlehni zana Top 7-a tlingte hming puan chhuahah Lalremruati hi a tel ve lo a, top 8-ah a Idol zin kawng a tawp. Thawhlehni zan hian Top 8 result an puang a, top 7 ten intihsiak an chhunzawm lehnghal a, ṭan a na tawh a, vawi khat tihsual pawi thui tak a khawih theih tawh avangin an fimkhur hlawm. Khami zana Wilkinson han chesual zeuh kha a pawi thui viau ang em? Zirtawpni zanah a hriat chauh ang chu maw.

Guest artist an ṭha a, an zai a ngaihnawm. Lalremruati, Champhai nula, Idol hmasaa top 20 zinga mi a rawn che ropui hle a, a zaithiam thlawt. Awmawmi leh Tluanga pawh, Mizo Idol top 5-a lang pha an nihna a hriat viau; an music video chauh ni loin, live-ah pawh an thiam dan ngaiin an thiam reng.

Top 7-a tlingte puan chhuah a ni a, James Lalruatsanga a him a, Lalbiakmawia a him bawk. Lalremruata pawh a la tling zel a, Rachel Lalnunkimi pawh top 7-ah a inhlangkai thei. Rebecca Zorintluangi, Thawhlehnaniropuia leh Wilkinson B. Khuhly te an him a, Saiha nula Lalremruati erawh top 7-ah hian a hming a lang ve ta lo a ni.

Lalremruati hian Mizo zaithiam zingah Daduhi zathiam a ti ber a, hnam dangah chuan Christina Aguilera thiam a ti ber. 'Isu kraws min hnaihtir rawh' tih hla chu a hla duh ber a ni a, sap hlaah chuan 'Just a fool' a duh hle. Elimination Round-ah khan 'Ka dem lo che' tih hla a rawn sa a, Second Round-ah 'Min liamsan si' tih hla a sa. 'Ka ngai zual ṭhin' tih hla hmangin Top 50 a paltlang a, Top 20-ah khan 'Mengmawite' tih leh 'Lungrun nang nen' tih hla a sa a, stage sang zawk a thlen phah. Top 10-ah 'Zawlkhaw tleitir' a rawn sa a, 'A ṭha valmawi' tih hla top 9-ah a rawn sa. Top 8 show-ah khan 'Ka dem lo che' tih bawk sa a, a thiam viau a, Top 8-ah 'I phal dawn em ni?' tih hla a zan a, a tlakna hlaah 'Duhlai' tih a rawn thlang.