GD leh Top te album a chhuak hnai

BigBang member pahnih - GD leh Top te chuan thla thar hian album thar an tichhuak dawn. BigBang hian tum dan danglam tak an nei a, thla li chhung chu thla tin hla pahnih awmna album tihchhuah an tum a, chumi tihhlawhtlinna tura album hnuhnung ber a ni dawn

GD leh Top te album hming tur hi 'E' tih a ni a, August 1 hian an hralh chhuak ṭan ang. BigBang hian May thla aṭang khan MADE SERIES bul an ṭan a, thla tin, ni hmasa ber zelah album an tichhuak a ni.

YG Entertainment-in an sawi danin, GD leh Top te album-a hla pakhat hi Jjeoreo a ni a, sap ṭawng chuan 'freaking awesome' tihna a ni. May thla khan 'M' album an tichhuak tawh a, chumi hnuah 'A' album tichhuak lehin, 'D' album an tichhuak leh a, tuna an tihchhuah leh tur nen hian an album hming a pum a, 'MADE' tih a tling ta.