Samsung Electronics Chairman Lee Kun-hee a thi

Samsung Electronics chairman Lee Kun-hee chu nimin khan kum 78 mi niin a thi.

Lee Kun-hee hi  South Korean firm, global tech titan a nih theihna kawnga sulsutu bera ngaih a ni a, a kaihhruaina hnuaiah hian Samsung chu khawvela smartphone leh memory chip siam chhuaktu lian ber niin Samsung vang hian Lee hi SKorea-a industrialist hausa ber leh thil tithei ber a ni hial.

Company chuan an chairman thih thu hi thuchhuah siamin an tarlang a, a thih lai hian a chhungte bakah an company Vice Chairman Jay Y. Lee pawh a bulah a awm thu an tarlang.

Lee hi kum 1990 chhoah khan chuap cancer vangin enkawl a ni a, kum 2005 khan a cancer thu puan nawn a ni leh a, hemi bak hi chu a natna chungchang nasa taka puanzar a ni ngai leh lo. Mahse kum 2014 khan heart attack a neih avangin damdawi-inah dah luh a ni a, chumi achin chu nikhaw hre loa awm zuiin nimin khan a ti ta a ni.