Kumin GMA Dove Awards a ngaihnawm dawn

Gospel Music Association-in kumtina an sem ṭhin GMA Dove Awards chu EST sanaa Zirtawpni zan dar 8 hian sem a ni tawh dawn a, TBN-ah chuan a broadcast dawn a ni. Hemi atan hian GMA lam pawh an phur tawh hle a, performer tur bakah interveiw turte pawh an tarlan belh leh.

Kumin GMA award semnaah hian  Contemporary Christian Artist of the Year nominee Tauren Wells featuring Christine D’Clario, Jenn Johnson leh Jekalyn Carr, Jeremy Camp, Travis Greene, Pastor Mike Jr., The Sound leh Switch-te an perform dawn.

Heng performer turte bakah hian  interview segment-ah kumin chhunga gospel artist huhang ngah tak tak Natalie Grant, Danny Gokey, Jonathan McReynolds, Karen Peck, Matthew West, Christine D’Clario, leh Steven Curtis Chapman-te chu an kawm dawn a, anni chanchin hi chiang zawkin a hriat theih ang.

Tunlaia khawvel puma fakna hla lar Dove Worship Song of the Year nominee 'The Blessing' chu eng ang hla tak nge a nih a, eng nge awmzia a neih tih a phuahtu Kari Jobe leh Cody Carnes-te'n an sawi dawn a, Leeland, Mandisa, leh Sinach-te chuan 'Way Maker' hla ṭobul an sawi dawn bawk. 

GMA President Jackie Patillo chuan kumin GMA Dove Awards sem tura performer-te leh artist inlan turte'n thil special tak tak thlirtute tana an hlui tur chuan midang tak nghawng ṭha tak a neih a beisei thu a sawi a ni.