Jim Parsons TV actor zingah a hlawh hnem ber

Big Bang Theory-a changtute hian an lo hlawh hnem hle, mipa TV film-a chang ṭhinte zinga sum lalut hnem ber pawh Big Bang-a changtu Jim Parsons a ni.

Forbes chanchinbuin mipa, TV film-a chang ṭhinte zinga sum lalut hnem a tarlanah, The Big Bang Theory-a chang, Jim Parsons chu sum lalut hnem ber a ni a, thla 12 chhungin USD mtd 25.5 a lalut. Nikum pawh khan Parsons hi sum lalut hnem ber a lo ni tawh a, hetiang taka sum a lalut hnem hi a mak hran lo. Big Bang Theory episode pakhat a chan apiangin, a chanpui, Johnny Galecki nen USD mtd 1 an hlawh ziah.

The Big Bang Theory hi a hlawhtling a, sum pawh a tam a ni. He film-a chang palite chu pakhatna aṭanga palina thlengin an intlar thla p‚t mai. Sum lalut hnem ber pahnihna pawh hi Big Bang-a mi tho, Johnny Galecki a ni a, June 1, 2015 aṭanga June 1, 2016 chhungin USD mtd 24 a lalut a, Parsons nena an sum lakluh inthlauhna a tam lo hle.

The Big Bang-a mite pahnih - Simon Helberg leh Kunal Nayyar te chu pathumna leh palinaah an lang. Simon Helberg hian USD mtd 22.5 a lalut a, sum lalut hnem pathumna a ni. Palina, Kunal Nayyar hi Indian chhul chhuak, Panjabi mi, Britain khua leh tui a ni a, thla 12 chhung khan USD mtd 22 a thawk chhuak. The Big Bang-a changte hi TV film lamah an hlawh a ṭha tlangpui a ni, hmeichhe lam pawh TV actress sum lalut hnem≠ah khan an lang. He TV film-a a changtunu ber, Kaley Cuoco chu sum lalut hnem ber pahnihna a nih bawk kha.

TV actor sum lalut hnem 10

1. Jim Parsons - $mtd 25.5

2. Johnny Galecki - $mtd 24

3. Simon Helberg - $mtd 22.5

4. Kunal Nayyar - $mtd 22

5. Mark Harmon - $mtd 20

6. Ty Burrell - $mtd 12.5

7. Nathan Fillion - $mtd 12

7. Jesse Tyler Ferguson - $mtd 12

7. Ray Romano - $mtd 12

10. Ed O'Neill - $mtd 11.5