Adam Levine fanu hmang a dangdai

Milarho hian an fate hming dang≠dai tak tak saksak an ching riau a, Adam Levine pawh hetiang thil hian a chiahpiah nasa ta deuh a ni a, a fanu thar hmingah Dusty Rose a phuah! Vaivutin a fanu hi a bawh nasa deuh nge, an pangpar khawi a bal ṭhin deuh tih pawh a hriat loh! Nilaini khan Adam Levine leh a nupui, Behati Prinsloo nena an fa hmasa ber hi a piang.

Milarte hian an fate hmingah common lo tak tak, dangdai deuh deuh an phuah fo. Nicolas Cage-a fa hming chu Kal-El a ni a, Marvel comic aṭanga a phuah a nih hmel. Musician fam ta, Frank Zappa chuan a fa pahnihte hmingah Moon Unit leh Diva Thin Muffin te a sa a, U2-a an guitarist, The Edge fa hming chu Blue Angel a ni a, an vocalist Bono fa hming chu Memphis Eve a ni. Sylveter Stallone-a fa hming chu Sage Moonblood a ni a, Gwyneth Paltrow leh Chris Martin te chuan an fa hming≠ah Apple an sa bawk.