Cancer natna veite a ṭanpui nasat avangin Johnny Depp an chawimawi dawn
Johnny Depp hian cancer-a nate enkawlna kawngah a thawh hlawk viau a ni ang, chawimawina an pe dawn.
Amber Heard nena an inṭhen hnuah mipui hmaah Johnny Depp hi a la inlan miah lo a, November 3-a chawimawina an hlan hun tur hi official-a mipui hmaa a inlan hmasakna ber tur a nih hmel. November 3 hian Los Angeles-a El Rey Theatre-ah Rhonda's Kiss Healing and Hope Award an hlan dawn a ni.
Rhonda's Kiss Healing and Hope Award an hlan zana sum an hmuh chhuah zawng zawngte hi Cedars-Sinai Hospital hnena hlan tur a ni. He damdawi in thupuangtu chuan, "A nu thi ta hriatreng nana Johnny Depp-a pawisa thawh leh a ṭanpuina kan dawn hmangin chuap cancer kan zirchianna kawngah nasa takin min pui a, nasa takin hma kan sawn phah a ni," a ti.