Snowden-a'n US mipuite fimkhur turin a chah

A chanchin film-a an siam pawh box office movie top 10-a lang pha mek, Russia-a raltlan, Edward Snowden chuan National Security Agency laka fimkhur turin US mipuite a chah.

National Security Agency (NSA) thil pawimawh tak tak a phochhuahsak avanga US-in man a tum, Russia-a biru mek Snowden hian computer leh phone an hmanna kawngah US mipuite chu fimkhur turin a chah a, an thil tih engkim mai enthlak an ni a ti.

"Password ngai an hmang nasa lutuk hi a buaithlak lai a ni. Website hrang hrangah password inang zel hman hi a him lo. Hacker-ten website pakhat an hack a, i password an hriat tawh chuan site danga i password pawh an hria tihna a ni," a ti. Cellphone hmangtute pawh fimkhur tura chahin, enthlak reng an ni a ti. Ad blocker hmang tur leh, anti-virus hmang ngei ngei turin a chah a ni.

NSA-in an en a, an chhuizui reng hi thil harsa leh ngaihmawhawm ber a ni lo a ti. He≠tiangah hi chuan politics kal≠tlangin a tihreh theih tih sawiin, mipuite chu ngawi mai mai lo turin a fuih a, ngawih reng hi keimahni min beitute tan chuan an duhthusam a ni a ti bawk.