Gospel singer rual zaina album thar Chhantea hla phuah dahkhawmna

October thlaa tihchhuah tur, Chhantea hla phuahte album-a siamin tihchhuah a ni dawn a, hetah hian tunlaia Gospel singer kan neih ṭhat rualte an zai.

Chhantea hla phuah dah≠khawmna album tur hi 'Cha≠tuana nghing ngai lo' tih a ni a, music video album tur a ni. He album-ah hian Pensy, Bethsy, Lancy, Zoramchhani, Grace Lalchhanhimi, Judith Lalremruati, Ruth-i, Zoremi Ralte, Lawmi Khiangte, Temami, Mimie Chhakchhuak, Maremi leh Lawmkimi Ralte te an zai. Voice record leh shooting zawh a ni thawkhat tawh a, video hi RDS Shots-in a siam a ni a, music hi Kima Chhangte, PB Lianhminga, Siama, Andrew, Ruatkima, Hmuaka leh Wayne Khin te kutchhuak a ni thung.

Chhantea, R. Lalchhan≠hima hi a hla phuah ṭhenkhat chu sak lar a lo ni tawh a, Pensy-i sak 'Chelh ding rawh' tih kha ama phuah a ni a, Ṭhazual lengzemah pawh pakhatna vawi thum ngawt a ni nghe nghe. Hei bakah hian Lancy-i sak 'Silfai ang che' tih pawh kha ama phuah a ni. Amah hi Adventist University, Pune aṭangin Master of Theology zir zo tawh a ni a, tunah hian Cachar, Assam-ah missionary a ni mek.