Stacy-i'n hnehna hla a mawipui

'Tunge' tih hla hit zeta a tih≠chhuah a, 'Khawngaihna thing kraws' a rawn hlawhtlinpui leh hnuah Stacy VL Muanpuii'n Hontrade International Ṭhazual Faknaah hnehna a rawn chang leh ta.

Stacy-i hian a hla thar 'Hnehna hla mawi' hmangin Hontrade International Ṭhazual Faknaah pakhatna a rawn luah. He hla hi Samsung 3:16 presents Health & Fitness Challenge Show, Magnus Health Club leh Mamawii Health and Fitness Clinic ṭangkawpa Zonet chhuak ṭhinah theme song tura siam a ni a, LR Ruata phuah a ni a, music composer hi Victor, Scavenger Project a ni. Video≠graphy hi Andrew Lalbiaknunga Ralte (ALAR) kutchhuak a ni a, wardrobe hi Hannah Khiangte niin, Joseph Parlour chuan Hair & Make Up lam an tum thung.

Pakhatnaa a zawna ṭum hnih an awm hnuin One in Christ hla 'Min chhung khat leh ṭhin' chu pahnihnaah a chhuk thla a, Andrew Laltlankima hla 'Nunna thar' chu pathumnaah a rawn chho thung. Nunna Thar hla hi Andrew-a phuah a ni a, he hla, Wendy sak chu October 7-a tihchhuah tur Nunna Thar film soundtrack-a hman a ni bawk; Andrew-a hla hi a hmain palina a ni.

Parukna aṭangin PBK Lian≠khum≠a chu palinaah a rawn chho a, a hmaa pathumna Cindy Lalramhlimawmi chu panganaah a rawn chhuk thung.

Top 10-ah pathum an rawn lang thar. Electric Veng Branch KṬP (Matthaia Group) hla 'Ka ring zel ang che' tih chu pasarihnaah kan hmu thar a, David Vanlalpeka pawh, Krismas hla Feli Thangluah leh Rachel-i te nena an siam hnuah kan hmu leh ta. David-a hla thar hi 'Immanuela' tih a ni a, pakuanaah bul a rawn
ṭan. Fall Profane pawh an hla thar 'A phar reng si' hla nen 10-naah an rawn d‚k chhuak. Top 10 aṭangin Amtea hla 'Ka thlang ber che' a chhuak a, Hlimhlimi pawh 'I pan ang u' hla nen a chhuak bawk. 'Hmangaihna hlu' nalh takin rawn sa mah se, Estheri Khiangte pawh a chhuak ve ta.

Hontrade International Ṭhazual Fakna

1 Stacy VL Muanpuii - Hnehna Hla mawi

2 One in Christ - Min chhungkhat leh ṭhin

3 Andrew Laltlankima - Nunna Thar

4 PBK Liankhuma - Ka chung ram mawiah

5 Cindy Lalramhlimawmi - Aw Thlarau Thianghlim

6 Thelma - Isu I hnena awm ka duh

7 Electric Veng Branch KṬP (Matthaia Grp) - Ka ring zel ang che

8 Lalchhanhimi Palian- Ka vui lo'ng e

9 David Vanlalpeka - Immanuela

10 Fall Profane - A phar reng si