Pakhatnaah Drake a rawn kir leh

Kumin chhunga album hlawhtling sawi dawn ta ila, Drake-a album 'Views' hi sawi chhuah hmasak ber tur a ni ngei ang. Pakhatna hun eng emaw chen a luah loh hnuah, Billboard 200-ah pakhatnaah a rawn kir leh ta.

Drake album 'Views' hi chawlhkar sarih chhung ngawt pakhatna a luah tawh loh hnuah pakhatnaah a rawn kir leh a, kar liam ta chhung khan copy 53,000 a hralh. Pakhatna luah hnua tlahniam, pakhatna rawn luah leh thei zingah, pakhatna a luah hmasak leh luah hnuhnun inkar kum thum hnua rei ber a ni. Pakhatna luah leh pakhatna nih thar leh inkar rei ber chu Mumford & Sons album Babel kha a ni. Pakhatna a nih hnuah chawlhkar 17 chhung ngawt a hnuai lamah hun a hmang a, pakhatna a rawn ni leh.

Mac Miller album 'The Divine Feminine' chu copy 48,000 hralhin pahnihna a rawn luah. Mac Miller tan tuna a album hi top 5-a lang thei a album palina a ni. Suicide Squad soundtrack chu copy 46,000 hralhin pathumna a ni a, Aaron Lewis album 'Sinner' chu copy 42,000 hralhin palina a ni. Usher-a album 'Hard II Love chu panganaah a rawn lang bawk.

Billboard 200

"Views" - Drake (53,000)

"The Divine Feminine" - Mac Miller (48,000)

"Suicide Squad: The Album" - Various Artists (46,000)

"Sinner" - Aaron Lewis (42,000)

"Hard II Love" - Usher (38,000)

"They Don't Know" - Jason Aldean (38,000)

"Birds in the Trap Sing McKnight" - Travis Scott (II) (32,000)

"Blurryface" - Twenty One Pilots (28,000)

"The Very Next Thing" - Casting Crowns (28,000)

"Dig Your Roots" - Florida Georgia Line (25,000)