The Magnificent Seven Box office-ah elpui a nei tehchiam lo

Denzel Washington-a channa, The Magnificent Seven chu North America-a kar tawp chhunga movie sum lalut hnem ber a ni. The Magnificent Seven tan hian pakhatna luah thei tura elpui lian tak an awm lo a, chuvang chuan pakhatna pawh hi luah thei a ni ber mai.

The Magnificent Seven hi cowboy film hmuhnawm zeta chan a lo ni tawh a, Denzel Washington-a hoin an siam thar leh a ni. He film hi a tir tak chuan Seven Samurai tih film aṭanga siam a ni. Seven Samurai film hi kum 1954-a Akira Kurosawa-a siam a ni a, Japanese pasal
ṭha pasarih tena khaw pakhat an chhanchhuah dan chanchin a ni. Chumi behchhan chuan, cowboy film-a kaihleka siam a ni a, a hlawhtling a, tunah an siam thar leh a, a hlawhtling leh.

Denzel Wasington-a channa hian kar tawp chhung khan USD mtd 35 a lalut. He film siam nan hian USD mtd 90 zet sÍn a ni a, senso hmu tling tur chuan pawisa hmuh belh a la ngai hnem hle. Denzel Washington bakah hian Christ Pratt, Vincnt D'Onofrio, Lee Byung Hun, Martin Sensmeier, Manuel Garcia-Rulfi leh Haley Bennett te an chang bawk.

Warner Bros. movie, animated film, Storks chu sum lalut hnem pahnihna a ni. Kar tawp chhung khan USD mtd 21.8 a lalut a, he film-ah hian Jennifer Aniston, Andy Samberg, Ty Burrell, Kelsey Grammer, Jordan Peele leh Keegan-Michael Key ten an awm an thawh.

Sully chu pathumnaah a la awm a, USD mtd 13.8 a lakluh belh a, Bridget Jones's Baby chuan USD mtd 4.5 lakluh belhin palinaah a lang a, Snowden chuan USD mtd 4.1 a lalut a, pangana a la luah.

Box office movies

"The Magnificent Seven" - $mtd 35

"Storks" - $mtd 21.8

"Sully" - $mtd 13.8

"Bridget Jones's Baby" - $mtd 4.5

"Snowden" - $mtd 4.1

"Blair Witch" - $mtd 3.95

"Don't Breathe" - $mtd 3.8

"Suicide Squad" - $mtd 3.1

"When the Bough Breaks" - $mtd mtd 2.5

"Kubo and the Two Strings" - $1.1