Khiangte Construction Ṭhazual Gospel: Zorema Khiangte-in hma a hruai

Khiangte Construction Ṭhazual Gospel chart tharah chart hmasa lama pathumna, Zorema Khiangte hla 'Khi vanah khian' tih chu che ṭha berin pakhatna a rawn hauh ta. 'Khi vanah khian' hi Zorema Khiangte phuah niin kum 2023 daih tawha Pathianin an rawngbawlna kaltlanga a pek a ni a, kumin February 1 khan a YouTube channel-ah a dah chhuak a ni. Recording leh mixing hi EFX Mathana kut chhuak a ni a, music hi Opa Punte, Sonic Records siam niin video hmuhnawm tak hi MSpace kut chhuak a ni thung a, a hla mil taka siam a ni bawk.

Gospel chart luahlumtu tia chhal ngam, One In Christ chuan chart tharah hian an hla pahnih lanpui lehin 'Ni Ropui' chu pahnihnaah a awm bakah 'Hruaina' chuan No. 6 a rawn hauh bawk. Pathumnaah chart hmasa lama palina hauhtu, JH Peka hla 'Isua hnung kan zui' tih chu rawn kaisang a, palinaah hian chart hmasaa pasarihna hauhtu Zoramchhani hla 'Ka zui ang che' tih pawh a rawn chho bawk. Mizo band ṭha ber zinga mi, Droup Doubt hla 'Hmangaihna' chu parukna aṭangin panganaah a rawn kaisang ve bawk a ni.

Ṭhazual Gospel chart tharah hian Rpa Ralte a lang chhunzawm a, ani bakah hian Seraphic Choir, Christian Melody-te chu chart-ah rawn lang tharin, kai thar dang Lalthlanawma hla 'Isua hmingin' tih chuan Top 10 a rawn khar a ni.

ṬHAZUAL GOSPEL TOP 10 (1 Mar 2025)

1. Zorema Khiangte - Khi vanah khian

2. One In Christ - Ni ropui

3. JH Peka - Isua hnung kan zui

4. Zoramchhani - Ka zui ang che

5. Drop Doubt - Hmangaihna

6. One In Christ - Hruaina

7. Rpa Ralte - I hming fakin ka zai

8. Seraphic Choir - Lungawina

9. Christian Melody - Van ruai

10. Lalthlanawma - Isua hmingin