Dua Lipa Radical Optimism tour-ah special guest Kita Alexander

Grammy vawi thum leh BRIT Award vawi sarih dawng tawh global pop artist, Dua Lipa-i'n Radical Optimism tour a neih meka Australian leh New Zealand leg lo awm turah Australian singer/songwriter Kita Alexander chu special guest a ni dawn.

Dua Lipa hian March 17 aṭangin Australian leg hi a ṭan dawn a, Melbourne Rod Laver Arena-ah zan nga show neiin, Sydney Qudos Bank Arena-ah zan thum hun a hmang bawk ang. Australian tour a neih tur atan hian ticket hralh zawh vek a nih tawh thu promoter-te chuan an sawi. Lipa hian Australia a tlawh hnuhnun ber, kum 2022 khan Future Nostalgia Tour neiin Perth, Adelaide leh Brisbane ah te show a nei a ni. Radical Optimism tour-a special guest tur, Kita Alexander hian kum 2024-ah a album hmasa ber, 'Young in Love' ti chhuakin national ARIA chart-ah No 61-ah a lang. FISHER nen an thawh dunna, 'Atmosphere' chuan nikuma ARIA Awards-ah nomination a hmu bawk.