L.A. Wildfire Relief Livestream leh Auction buatsaih dawn

Kumin January thlaa Los Angeles ram kang nasa takin a nghawng tel, Los Angeles music community member-te chhawmdawlna atan Musicians for Fire Relief chuan khawvel pum huap livestream leh auction an buatsaih dawn.

Musicians for Fire Relief hian Sweet Relief Musicians fund an thawhpui a, livestream-ah hian Dawes, My Morning Jacket’s Jim James leh Moby te kawmin performance hmuhnawm pek a ni bawk ang. He hunah hian instrument autograph awm leh poster te an lilam nghal bawk ang. Vawiin tlai dar 5 aṭangin hun hi hmangin event website, Nugs.net leh YouTube-ah te en theih a ni ang. He event-ah hian ram kang tuarte musician-te in sakna tur, medical bill, ei tur leh thil pawimawh dangte pekna tur sum thawhkhawm a ni dawn tih thuchhuah chuan a tarlang.