Manny Pacquiao te nupain an nupa hlimna chhan an puang

Boxer ropui Manny Pacquiao leh a nupui chuan tunhnai khan nupa hlim, inhmangaih leh inthlahlel an nihna chhan an puang chhuak a, an nupa inhmangaihtawnna chhan chu Ephesi 5:25 thu kha a nih thu an sawi.

Ephesi 5:25-ah hian Kristan a kohhran a hmangaih a, a nun a pe anga pasalte chu an nupuite hmangaih tura chahna thu a chuang a ni. Hei bakah hian pasalten nupuite chu hrethiam tak chunga chawimawi tura Pathian thuin a sawina, I Petera 3:7 thu chu an nupa innghahna chang pawimawh tak a nih thu a tarlang bawk a ni.

Pacman te nupa hian nupa inkara inhriatthiam lohna leh intihthiam lohna a awm reng reng a, a siam ṭhatna pawimawh ber chu ṭawngṭaia inngaihdam tawn a ni tih an sawi bawk.