Ant-Man a lian zel

Adam Sandler-a channa, Pixel tihchhuah a ni a, mahse Ant-Man a lo chhuah ve bawk si avangin Pixel hian box office-a pakhatna a hauh pha lo. Pixels hian kar tawp chhung khan dollar 24 a lalut a, Ant-Man hian dollar mtd 24.7 a lalut.

Ant-Man hi theater 3,868-ah chhuah a ni a, hapta hnih an chhuahna a ni ta. United States-ah hian Ant-Man hian dollar mtd 106.1 zet a lalut tawh a ni.

Adam Sandler-a channa, Pixels siam nan hian Sony chuan dollar mtd 88 vel zet an seng a, mahse an beisei a pha lo hle. A hmaa a channa, Grown Ups leh Just Go With It te pawh a pha lo hle a ni. US-ah a dinhmun a ṭha tawk lo tih a ni mai a, ram dangah erawh chuan Pixels hi a che ṭha pangngai viau mai. Ram dangte nen chuan dollar mtd 100 chuang zet chu an hmuh theih an ring.

Pixels hi kar tawp chhung khan ram 23-ah chuan an box office-a pakhatna luahtu a ni a, Mexico, Brazil, Argentina, Russia leh Spain-ah te a che ṭha viau a ni.

Minions chu pathum­naah a la awm thei a, Train­wreck chu palina niin, Southpaw chu panga­naah a awm.

Box office movie

"Ant-Man" - $mtd24.7

"Pixels" - $mtd24

"Minions" - $mtd22.1

"Trainwreck" - $mtd17.3

"Southpaw" - $mtd16.5

"Paper Towns" - $mtd12.5

"Inside Out (2015)" - $mtd7.4

"Jurassic World" - $mtd6.9

"Mr. Holmes" - $mtd2.8

"Terminator" - $mtd2.4