Mizo Idol zaninah

Zanin hian a hun ngaiah, a hmun ngaiah Mizo Idol result puan leh intihsiakna neih chhunzawm leh a ni dawn. Zirtawpni zan khan show anga kalpui a ni a, zanin aṭangin intihsiak hi neih leh a ni dawn a ni.

Zanin hian kar kalta Thawhlehni zana intihsiakna result kha puan a ni ang a, chu ta tling, top 7 te'n zaninah hian intihsiakna an neih chhun­zawm leh dawn a ni. Angela Lalrem­ruati a tlak hnuah James Lalruatsanga, Lalbiakmawia, Lal­rem­ruata, Lalremruati, Rachel Lal­nunkimi, Rebecca Zorin­tluangi, Thawhlehnaniropuia leh Wil­kinson B. Khuhly te an intih­siak a nih kha. Kha intihsiakna result kha puan a ni dawn. Tu tak tla ang maw?

Zirtawpni zan khan Mizo Idol-a contestant-te chanchin tih­chhuah a ni a, an zai bawk a, a ngaih­nawm a, rilru a hneh hle. Mizo Idol intihsiakna boruak ni lo, zalên tak, pressure tlem zawk hnuaiah chuan an zaithiam lehzual hle a, an zai a ngaihnawm a, an chanchin a ngaihnawm bawk.

Zanin hian guest artist pathum an awm dawn a, Idol neih hnuhnun ber ṭuma mipui lawm hlawh leh ṭan hlawhte kan hmu ang. Awmawmi leh Tluanga te an zai dun leh dawn em, nge a mal ve vein an zai dawn? He mite pahnih zai hi TV lamah pawh thlan hlawh pawl tak a ni. Champhai nula Maruati, Shillong MSU music video hmanga tunlaia ram la mek, Idol hnuhnung bera ṭantu ngah em em kha kan hmu bawk ang.