Hollywood-a Kristianna hloh lo McConaughey

Hollywood-ah khuan anti-Christian pressure chu a lo awm ngei e! Matthew McConaughey meuhin chu chu a sawi chhuak tlat mai.

American actor kum 50 mi, Interstellar star Matthew McConaughey chuan Joe Rogan-a'n a podcast-a a kawmnaah Hollywood-a a luhchilh hnuah Kristian a nihna kawnga a rinnaah harsatna a tawh loh thu leh, entertainment a en ṭhinah pawh a rinna hloh lohna turin en chin tawk a neih ṭhin thu a sawi.

"Hollywood-a Stage-a award dawng tura ka din chhuah hian pungkhawm mipuite chu ka thlir ṭhin a, chung zingah chuan chawhlui ka kilpui dawna ka ṭawngṭaipui ṭhin an awm nual tih ka hmu thei ṭhin. Mahse Pathian hnena lawmthu ka sawiin chung mite chuan an kut ben tur chu an tim deuh ṭhin tih ka hmu thei.

"Ka kut hi beng ta ila ka resume atan thil pawh a ni thei ang em tia inngaihtuaha an kut dah let leh ka hmu a ni. Chung chu ka mit ngeiin ka hmu a ni, ka judge hran chuang lo," tiin a sawi.

Rogan hnenah chuan Bible-ah nun atana zirlai hlu tak tak a awm thu hrilh bawkin, science leh sakhuana chu thil kalkawp a nih thu a sawi a ni. Science chu Pathian a taka awmzia tifiahtu a ni, tihte chu a pawm dan a ni a, ringtute tana hmanrua a ni zawk a ni, a ti.