Chris Brown-an thlan tur dang a nei lo Tunah chuan Pathian chauh a innghahna

Rihanna avanga a thu­buai a tawp fel ṭan a, mahse Chris Brown a la buai leh ṭhin. Tun hnai khan Philippines-ah buaina a tawk a, Kumhlui thlah zana Manila-a a perform tur a perform lo a ni mai thei, tunhnaia Philippines-a a zin, Hong Kong-a thlawh chhoh leh mai a tum chu Philippines-ah thuneituten an chelh a, a duh aia rei a awm phah. Heng thilte avang nge maw ni, Chris Brown hian Pathian hming a lam leh ta.

Manila-a kumhlui thlah zana zai tura tih a nih hian dollar mtd 1 hlawh tura tih a ni a, mahse a perform leh si lo. Hemi lo buaipuitu Maligaya Development Corp chuan an pawisa sen thlawnte amah aṭanga hmuh let leh an duh avangin thuneitute hnenah an zualko a, thuneitute hian Chris Brown hi Manila airport-ah an chelh ta a ni. A mangang viau a, Instagram-ah te pawh Obama hming a lam chul mai.

Hetiang boruak a tawn chhoh neuh neuh avang hian Chris Brown chuan, "Pathian lo chu tunah chuan mamawh dang ka nei ta lo," a ti. Philippines-a a harsatna tawh mai bakah, tunhnai khan a bialnu Karrueche nen an inṭhen a, hei hian a rilru a tina hle a nih a rinawm. Sualin a hringnun a tihhrehawmna lak ata chhanchhuak thei tur chuan Pathian lo chung thil dang a awm lo a ni tih a sawi.