'System of A Down' drummer Dolmayan-in Trump a fak

Armenian-American heavy metal band, System of A Down drummer John Dolmayan chuan Australian YouTuber, Lilian Tahmasian-in a kawmnaah politics a thlirdan leh ngaihdan sawiin, US president Donald Trump-a kaihhruai sorkar chu a thlawp thu leh ṭha a tih thu a sawi chhuak. Dolmayan hian Trump chu fakin,"In thlannaa hnehna a chang chu ka lawm hle a, mihring nunphung pangngai kha US-ah a rawn hruaikir leh a ni" a ti. Dolmayan hian kum 2023 khan Trump a thlawpna thu social media-ah tarlangin, hei vang hian a ṭhian ṭha anga a ngaihten an kawm duh loh phah thu leh fan eng emaw zatin an thlawpna an tih tawp thu a sawi. Dolmayan hian System of A Down drummer hmasa zawk, Andy Khachaturian chu a kut hliam vangin 1997 khan a thlak a, 1998 aṭanga 2005 in kara band-in album panga an tih chhuahah khan a telpui vek bawk.

System of A Down album Toxicity, Hypnotize, leh Mezmerize te khan Billboard 200-ah No.1 an hauh vek thei a ni. Band hian 2006 aṭang khan kum li chhung chawl lailawkin, 2010 khan an in din thar lehin rimawi khawvelah an kir leh. Mahse album puitling siam tawh loin 2020 khan an single pahnih 'Protect the Land' leh 'Genocidal Humanoidz' an ti chhuak.