Dolly Parton-i'n a pasal thi ta hriatrengnan hla thar tichhuak

American singer, songwriter leh actress Dolly Parton chuan a pasal Carl Thomas Dean, kar hmasa Thawhṭannia thi ta hriatrengna hla thar a ti chhuak. Country singer hian a hla thar "If you hadn't been there' tih hla chu Zirtawpni khan Instagram-ah a post a, a pasal Carl Dean hi kum 18 mi a nih laia a tawn thu leh kum 60 chhung hun hlimawm tak an hman thu a sawi. Kum 60 chhung an pahnih hian an inkawp a, a pasal hian Thawhṭanni khan kum 82 mi niin a thihsan.

Kum 79 mi, Parton hian a pasal thih hnua fan-te thlawpna chu lawmawm a tih thu a sawi. 9-5 leh Jolene hla hmanga kan hriat lar singer hian kum 18 mi, zaithiam nih a tum laiin Nashville a thlen niah laundromat pawnah Dean nen hian intawngin, kum 1966 khan an innei a, fa an nei lo thung.