Sidemen charity match-ah £ mtd 4 hmu chhuak

Wembley Stadium, London-a Inrinni liam taa British YouTube group, The Sidemen in Sidemen FC charity match a buatsaihah naupang ṭanpui ngaite pualin £4,733,004 an hmu chhuak.

Charity match-ah hian YouTube Allstars leh Sidemen FC inkhelin, full time-ah 9-9 in an in draw a, penalty shootout-ah YouTube Allstars hi an chak ta a ni. An inkhel hi live-a pek chhuah niin, mi mtd 8 chuangin an en. A hmuna entu, mi 90,000 te ticket hi darkar thum chhungin hralh zawh vek a ni bawk. Halftime-ah rapper AJ Tracey leh KSI te an perform. Sidemen captain-ah hian Miniminter awmin, YouTube Allstars captain hi IShowSpeed a ni a, YouTube Allstar team-ah hian MrBeast pawh a tel. Charity match aṭanga an sum hmuh hi naupangte pual charity hrang hrangah pek a ni dawn a, heng zingah hian BBC Children in Need, Bright Side leh M7Education te pawh an tel.