Fashion Fiesta

Hmanah chuan hmelṭhat leh pian nalh ringawt kha eizawnna tling a nih loh laiin tun hnuah hi chuan hmeichhe tlawntlai ṭha tak tan chuan zir sang >m >m lo pawhin eizawnna a tam ta khawp mai. Kan hnam tlemte zingah pawh eizawnna atana hmang kan tam ta hle mai a, heti anih si chuan ram changkang zawk khawthlang ramah te chuan khawvela mi hausa tawntawte zingah an tel ta fer fur mai. Eizawnna satliah lo tak a ni tih a chiang reng. Amaherawhchu, an hmelṭhat leh pianthiamna phenah hian an thawhrimzia erawh hriat a ṭha. Chutianga kan sumdawng liante leh designer-te puitu pawimawh tak pakhat, model-te khawvel hriat hlawh khawpa hlawhtlingte leh a hmelṭha zual 10 tarlang dawn chhin teh ang.

Russian model leh lemchang thiam Natalia Vodionova, atam zawkina kan hmelhriatna chu Calvin Klein adds-ah te leh an lingerie brand-a ambassador anih vangte leh a hmel han en mai hian sexy taka lang ni si lo hian a hmel sweet tak hi a hlawhtlinpui hranpa ve hrim hrim. Designer lian tak takte show-ah vawi tam lo tel tawhin Victoria Secret model zinga pawimawh tak pakhat ni mekin kum 1-ah dollar maktaduai 4 lai a thawkchhuak ṭhin. Sporst Illustrated swim suit cover-ah pawh lo lang tawh, American model Hilary Rhoda ve thung hian kum 1-ah dollar maktaduai 5 chuang thawkchhuakin model hlawh tam zinga pakuana a hauh mek bawk. Cosmetic brand lar Estee Lauder-tan model ṭangkai tak a ni mek a ni. Victoria Secret angels zinga mi Brazil lam chhuak, brand lian tak tak Ralph Lauren, Next, Christian Dior leh Armani-te tana thawk kawp mek model sexy tak mai Alexandra Ambrossio ve thung hi kum 1-a dollar maktaduai 5 bawr vel thawkchhuakin pariatna a hauh mek bawk.

Khawthlang rama khaw­chhak lanu a ber zinga an tel thei hi khawchhak hmeichhiate duai bik lohzia tilang chiangtu pakhat ni turin Chinesse nula chhe lo tak mai Liu Wen kum 27 mi, Yong Zhou, Hunan-a piang chuan pasarihna hauhin kum 1-ah dollar maktaduai 7 lai a thawk chhuak nghe nghe. Ani hi khawchhak lam mi Victoria Secret-a tel thei awm chhun leh hmasa ber a ni. Victoria Secret fashion show-a tel pha chin nula te hi model satliah ai chuan an duai lo bik a ni ngei ang le, khawvel model lar thlanchhuahte zingah hmuh tur an tam em mai.

Khawvel tlangval tam takte ngaihzawn rawn, a hmel han en mai pawh hian a nu hmel bik ngawih ngawih avanga incheina khawvela designer liante leh photographer-te duh rawn Australian model Miranda Kerr, a tam zawkina kan hmelhriatna pakhat, film star lar Orlando Bloom nupui ṭhin ngei mai kha parukna niin kum 1-ah dollar maktaduai 7 lai mai a thawkchhuak ṭhin a ni. David Jones, Australia brand lar leh Lipton, Mango leh Quantus ṭangtein heng sum leh pai hi a thawkchhuak ṭhin. International model zinga langsar lo tak, han en mai pawha model dangte ang lo taka chum deuh bat mai, Playboy Magazine-a lang tur ni awm taka pian insawhmuk ṭha, St. Joseph, Michigan US lam chhuak Kate Upton, kum 23 mi lek hi pangana niin vawi duai lo Sports Illustrated swimming suit-ah lo lang tawhin, Bobbi Brown cosmetic brand lian leh express clothing hnuaiah te thawk kawpin kum 1-ah dollar maktaduai 7 lai he nula la valai tak hian a thawkchhuak ṭhin.

A palina ni turin England lam chhuak model lar >m >m mai leh hmingchhe ve tak Kate Moss hian kum 1-ah dollar maktaduai 7 lai thawkchhuakin model hlawhtling tak ni tur hian hmelṭhat leh naupang chauh lo tan pawh chance awm tih a rawn tilang chiang hle a ni. Heng mi 10 kan ziahte zinga a upa ber niin kum 40 mah nise tleirawl tam zawkin an la tluk lo hle. Brazil lam chhuak tho model sexy >m >m mai Adriana Lima hi Maybelline brand ambassador niin Victoria Secret Angels zingah pawh a hlawhtling ber a ni nghe nghe. A hlawhtlin tawhna hi kum 1-ah dollar maktaduai 8 vel lai nia chhut a ni. A hmui sexy >m avanga mite hriat lar Dutch model, Victoria Secret Angels zinga mi ni bawk Doutzen Kroes ve thung hian kum 1-ah dollar maktaduai 8 lai a thawkchhuak ṭhin a ni. Modelling mai duh tawk lova producing leh United Nation tana Ambassador ni bawk Super Model pian thiam >m >m (the body) an tih hial Brazil chhulchhuak Gisele Bundchen hian model piang tawh zawng zawng zinga a ber ni turin kum 1-ah dollar maktaduai 47 lai mai thawkchhuakin khawvela model thawkchhuak hnem ber 1-na a hauh mek a ni.

Incheina khawvelah chuan a siam chhuaktu leh a design-tu ten nalh tak tak leh tunlai ber ber thawmhnaw siam chhuak ṭhin mah se, a pawimawh ber, a hatu leh leitu turte an awm chuan si loh chuan an sumdawnna emaw, an hnaah an hlawhchham a ni deuh der mai a, chuvangin a pawimawh ta bera chu a leitu turte duhzawng siam chhuah thiam kha a ni ta a ni. Chuti a nih si chuan mi nawlpui, a hatu leh leitu turte hip thei tur ang bera a thawmhnaw siam chhuahte a phochhuah thiam dan a zirin a sumdawnna hlawhtlin leh hlawhtlin loh a hril hle a ni.

Khawthlang ramte kan en chuan hetiang kawngah hian keini hmar­chhak kilkhawra awm ve ngawtte ai chuan an fing deuh niin a lang. Chumia pawimawh tak pakhat kan hnamina heksak mai maia kan ngaih advertisement rêng an uar mai. Thawmhnaw, a lawnga pho­chhuah tlawng ai chuan nula hmelṭha tak, tlawntlai ṭha tak maiina duh tawka a inthehṭilpui lem han tar emaw han tihlan chu mipui mit a hip zawk ngei ang.

Siamtu hi a kut themthiam khawp mai a, han en reng reng pawha sawiselna tur a awm lo emaw ni chu aw tih tur khawpa pian thiam leh hmelṭha hnam tin zingah kan hmu ta fer fur mai a.

Tluangpuii Hmar
Instructress
Vakiria Institute of Fashion Technology