Jurassic World Sum lalut hnem ber pathumna

Jurassic World chu a hmuh­nawm zel a, tunah chuan khawvela movie tih­chhuah tawh zinga sum lalut hnem ber pathumna a thleng phak ta.

Jurassic World hian tun thlengin dollar tlukleh­ding­awn 1.522 zet a hmu chhuak tawh a, The Avengers kha a rawn khûm ta a ni; The Avengers hian dollar tld 1.520 a lalut. Khawvela movie sum lalut hnem ber chu Avatar kha a ni a, kha khan dollar tld 2.788 a lalut a, pahnih chu Titanic kha niin, dollar tld 2.186 zet a lalut.

Jurassic World hi Colin Trevorrow-a direct a ni a, US bikah dollar mtd 614.3 a lalut a; US bika movie dollar mtd 600 lalut tling thei palina a ni. Jurassic World hi a chhunzawmna siam an tum tih an puang chhuak leh tawh.