Evanescence an rawn kir

Kum thum chhung zet music an chawlhsan hnuah symphonic band Evanescence chu music dawhsanah an rawn chuangkai leh dawn ta. Kumin November thla aṭangin music khawvelah kan hmu leh ṭan tawh dawn e.

Evanescence hian November thla khian ṭum thum concert an buatsaih ang a, chu chu music khawvela an rawn kirna tur a ni. November 13 khian Nashville-ah an concert ang a, November 15-ah Dallas, Texas-ah an concert leh ang a, November 17 khian Los Angeles-ah an concert leh bawk ang.

Amy Lee-in a solo album Aftermath a tihchhuah hnu lawkah Evanescence hian an kal hrang hlawm a, band ang chuan music chawlhsan rih an rel zui a, an chawlhsan ta rih a ni. Kumin April thla khan Evanescence hian kum thum hnua music khawvela an rawn kir nan kumin November 21-a Tokyo-a Ozzfest an neih turah an zai ang a, chu chu an lanna hmasa ber tur a ni ang a, chumi hnuah concert hi an nei chhunzawm leh dawn a ni.