Kim Hyun Joong-an a bialnu hlui a khing dawn

Boys Over Flower film aṭanga Mizo tlei­rawltena kan hriat lar, Kim Hyung Joong chuan a bialnu hluiin a tihdan velah a lung a awi lo a, chuvang chuan court-ah thubuai a thehlut.

Kim Hyun Joong bialnu hlui Choi hian Joong hi a blackmail-in a bum ṭhin a ni mai thei, Kim Hyun Joong hian court-ah thubuai a thlen a ni. Choi hian Joong-a fa a pai niin a sawi a, a pai dan a fel chiah lo nia a sawi bakah, Joong nena an inkar thu a sawi dan pawh a sawina hmun azirin a danglam ṭhin a ni âwm e.

A rai chungchangah Joong-a dan hre mi chuan a rai ngei a ni tih finfiahna engmah a tilang duh lo niin a sawi a, Joong-a nena an chungchang a sawiah, damdawi in pakhatah chuan health club pakhatah a tina hle niin a hrilh a, damdawi in dangah chuan kut a thlak niin a sawi bawk a ti. Kumin September thla hian nau hring tura beisei a ni a, nau a hrin hnuah hian investigation pawh chhunzawm a ni ang.