50 Cent a incheina man a tlawm thut!
A tlachhia tih thu court-a a thlen hnu lawk aṭangin 50 Cent incheina man a tlawm thut! mi mak tih a hlawh. Darkar 24 lek chhungin branded thawmhnaw hlang, bling leh accessories aṭangin branded lem loah a inthlak vek!
Thawhṭanni zan khan red carpet-ah a la kal zan zan a, hetah hian 50 Cent hian Dolce & Gabbana Spring 2015 suit a rawn inbel chhuak a, a man a tam ngawt ang. Chu mai a ni lo, a sana bun pawh lunghlua cheimawi a ni. Thawhlehni khan Manhattan Supreme Court-ah a inlan a, heta a thawmhnaw inbel chhuah erawh a man a tlawm hle thung.
Thawhlehnia court-a a inlan hian bling pakhat mah a inbel lo a, suit man tlawm pangngai tak a ha a, sana man tlawm, plastic-a siam mai mai a bun chhuak bawk.
Court chuan a video-a car man to chi- Lamborghinis, Bentleys leh Rolls Royces te, a bling inbel man to hmel tak tak, lunghlua cheimawite kha khawiah nge tih a zawt a, 50 Cent chuan heng zawng zawng hi man chawia a hawh, a hawh theihna hmun aṭanga a hawh vek an ni tih a sawi. Thawhlehni hian court hmaah a tla chhe ngei a ni tih finfiah turin a kal a ni.
Media lam chuan 50 Cent hi an umzui viau. Kar hmasa Thawhlehnia Atlanta City-a red carpet-a a kal ṭum khan dollar 100 clip-in, dollar 5,000 vel lai a la ak ṭun mai a, Thawhṭannia New York airport-a a ṭum pawh designer bag, Louis Vuitton bag, dollar 2,000 man a la khai zan zan. Thawhlehnia a incheina te nen chuan a inthlau ve hle.