Matthew McConaughey lemchan khawvelah rawn kir

American actor Matthew McConaughey chu tun hnai khan kum ruk chhung lemchan a chawlhsan hnuah, live-action movie a chan hmasak berna tur, 'The Rivals of the Amziah King' ah a rawn inlan.

Interstellar actor hian kum 2019-a Guy Ritchie film 'The Gentlemen' a chan hnua lemchan aṭanga chawlh a lak chhan sawiin, a chhungte leh ṭhiante nen hun an hman bakah a mimal chanchin, 'Greenlights' tih a ziah thu a sawi. A film chan thar, Andrew Patterson-a ziah a hmuh hian a thawnthu kalhmang chuan a hip hle a, a seilenna hmun ni lo mah se mipuite leh a hmun bakah a character pawh a hriat thu a sawi.