FIFA 16 cover-ah hmeichhia

FIFA 16 chu peih a ni ṭep tawh a, tunah hian khawvel hmun hrang hrangah a cover-in ngaihven leh sawi hlawh. Golbal cover-ah Messi hman a ni a, a region azirin Messi bulah hian mi dang dah a ni a, US-ah chuan hmeichhe world cup-a US player, Alex Morgan dah a ni. FIFA kâwma hmeichhe lang hmasa ber a ni. Canada-ah pawh hmeichhia bawk dah a ni a, Christine Sinclair, an ram football player tho dah lan a ni.

FIFA cover-a dah tur hian, Messi chu awm sa a ni a, Messi bula dah tur hi region hrang hrangah vote hmanga thlan a ni. France-ah chuan Raphaël Varane (Real Madrid), Antoine Griezmann (Atlético Madrid), Alexandre Lacazette (Olympique Lyonnais) leh Blaise Matuidi (Paris Saint-Germain) vote hmu sang an ni a, Antione Griezmann hi dah a ni ta thung.

United Kingdom & Republic of Ireland-ah chuan Sergio Agüero, Manchester City; Thibaut Courtois, Chelsea FC; Jordan Henderson, Liverpool FC leh Harry Kane, Tottenham Hotspur te vote hmu hnem niin, Jordan Henderson hi a tawpa an thlan a ni.

Sergio Agüero – Manchester City; Claudio Bravo – FC Barcelona; Edinson Cavani – Paris Saint-Germain; Juan Cuadrado – Chelsea; Jose Rondon – Zenit St. Petersburg leh Carlos Zambrano – Eintracht Frankfurt te hi Latin America-a a cover-a lang tura vote hmu sang an ni a, Juan Cuadrado hi an thlan chhuah a ni.