MTV VMA nominee an tichhuak

August ni 30 khian MTV Video Music Awards sem a ni dawn a, chumi tur chuan nomination list tihchhuah a ni ta. Nomination list tihchhuahah hian sawi zui tur neuh neuh a awm a, a bikin Taylor Swift leh Nicki Minaj chungchang a ni bik zual.

A pumpui thuah Taylor Swift-in a chang sang rih ber a, category pakuaah zet a hming a lang a, chung zingah chuan Video of the Year hi mi ngaihven a ni a, hetah hian Kendrick Lamar nena an sak dun 'Bad Blood' chu a lang. Hei bakah he hla hmang hian Best Collaboration, Best Visual Effects, Best Art Director, Best Editing leh Best Cinematography-ah te a lang bawk.

Taylor Swift baka langsarah chuan Kendrick Lamar, Ed Sheeran, Beyonce Knowles leh Mark Ronson te an ni leh. Kumin MTV VMA hi Miley Cyrus-in a host dawn a ni.