Ariana Grande-i'n a album tlangzarh hun tur puang

American singer, songwriter leh actress Ariana Grande chuan a album "Eternal Sunshine" a tlangzarh hun tur a puang. Singer hian Thawhṭanni khan Instagram post-ah a album hming “Eternal Sunshine Deluxe: Brighter Days Ahead” expanded version chu March 28-ah tihchhuah a nih tur thu a ziak. January thla khan a album thar turah hian hla thar a dah belh thu a lo sawi tawh a ni.

“Eternal Sunshine” deluxe hi original edition debut aṭanga kum khat chuang a liam hnuah a chhuak dawn a ni. Grande hian he album leh a single vang hian Grammy nomination pathum a hmu a, chung zingah chuan pop vocal album ṭha ber, Brandy leh Monica nena “The Boy Is Mine” remix pop duo/group performance ṭha ber, “Yes, And?” te an ni. The Wicked star hian a Oscar nominated film pawh a chet ṭhat pui hle a, a ṭhen hnihna 'Wicked: For Good' chu kumin kumtawp lamah tih chhuah tum a ni bawk.