India-ah Guns N' Roses

Rock legend Guns N' Roses chuan kum 12 hnua global tour an neih pualin Mahalaxmi Racecourse, Mumbai-ah tour an rawn nei dawn. GnR tour concert hi BookMyShow Live leh Live Nation te ṭangkawpa huaihawt niin May 17-ah show hi an rawn nei dawn a ni. India rama an concert hnuhnung ber chu 2012 daih tawh kha a ni.

Guns N' Roses hian world tour an neih tur hi Asia khawmualpui lamah ṭanin Incheon, South Korea-ah tour hi an hawng dawn a, hemi hnu hian Japan, India leh Middle East-ah an chhunzawm ang. Asia-a tour an neih zawh hian Europe lam panin Portugal, Spain, Italy, Germany, UK leh Eastern European ramahte an chhunzawm leh dawn a ni.