Priyanka, Sam Heughan leh Celine Dion-te'n film chang ho dawn

Sony Screen Gems romantic drama film, 'Text for You'-ah Priyanka Chopra Jonas, Sam Heug­han leh Celine Dion-te chu an chang ho dawn tih People maga­zine chuan a tarlang.

He film thar tur hi Sofie Cramer novel ziah zulzuia siam tur niin, German film 'SMS Fur Dich' siam tharna tur  a ni. Hmeichhe pakhatin a pasal hual a hloh tak hnena hmangaih biahthu thlum tak SMS hmanga a thawn chungchang a ni dawn. A pasal hual a hloh tak number chu amah ang bawka hmangaihna vanga thinlung kehchhia mipa pakhatin a lo hmang tawh si a, chu SMS thlum tak chu chupa chuan a dawng ta si, tih vel a ni dawn. A hmuhnawm hle dawn tih a chiang.

'Text for You' hi Jim Strouse chuan a direct dawn tih a chiang tawh a, he film-ah hian Priyanka hi 'romantic message' thawntu hmeichhe lemah hian a chang dawn a, Heughan hi Priyanka ang thoa hmangaihna vanga thinlung kehchhia lemah a chang dawn. A tawpah Celine Dion hla hmangin hmangaihna lipuiah an pahnih chuan an pil dun dawn a nih hmel.