R&B star Ne-Yo chuan kawppui pakhat aia tam nei mek

'Miss Independent' leh a hla hrang hrang mawi tak tak avanga khawvel hriat hlawh, R&B singer Ne-Yo chuan rimawi lam niloah thawm a rawn nei lian hle. Ne-yo hian Big Boy’s Neighborhood-te'n an kawm naah kawppui pakhat aia tam a neih thu leh an bula hun a hman dan te a sawi lang, R&B star hian tun hnaiah khawvel hriat turin a kawp puite hming leh a koh dan chu Instagram lamah a lo tarlang tawh a ni.

Ne-Yo hian tunah hian hmeichhia pali–Cristina aka PB (Pretty Baby), Arielle aka TF (Twin Flame), Moneii PF (Phoenix Feather), leh Bri (Sexy Lil’ Somethin’) te nen an inkawp mek tih sawiin, an zavai hian an bula hun hman hun tur a siam hrang ṭheuh tih leh hunbi neia an bula hun a hman ṭhin thu a sawi. A kawppuite hi inhaw loin an inkawm ngeih thu pawh a tarlang bawk. R&B singer hian Mary J Blige 'For My Fans Tour' neih mek a pui mek a ni.