Naktuk zanah sawi hlawh 'DARCHHINGPUII' tlangzarh dawn

Tunlai film chhuakthar tur zinga thawm nei ngah tak leh, sawisel kai khawpa Mizo film chhuak tawh zinga danglam tak tur "DARCHHINGPUII" chu tlangzarh a ni dawn ta. He film hi, Burma raltlanin Mizo chhungkua luhchilha rawng taka an laka a chet dan lantirna a ni. Naktuk March 14 Inrinni zan dar 8 hian, Vanapa Hall-ah Mizo actress kan neih ṭhat Ruthy Chenkual in a tlangzarh ang.

'DARCHHINGPUII' film-ah hian Mizo lemchan khawvela hriat hlawhsa Thawibawih leh Hmaikawr a kan hmuh Mesty Tochhawng chu Asst director a ni a, Mizo film siam kawnga thawh hlawk tak Mike-a direct leh ziah niin director of photography hi Biaka (St Photography) a nih bakah, Story production team Awma Vanchhawng leh Rivca Lalnunsangi-te thawh hona kut chhuak hmuhnawm tak kan hmu dawn a ni.

Zote Entertainment leh Shopee carmella-te buatsaih 'DARCHHINGPUII' film-ah hian Francis-a, Duhawma, LN Kawlni, R Chhuangi, Francis Malsawma leh Eli Siakeng te an in lan dawn a ni. Lersia Play chuan film hi an Co-Produced bawk. Diector Mike-a chuan,"Ṭumdang zawng aiin Picture Quality, Audio leh Story an uluk hle" tih Vanglaini a hrilh.