Spider-Man 4-ah Sadie Sink

American actress, 'Stranger Things' star Sadie Sink chuan, Marvel Cinematic Universe a zawm dawn ta. Tleirawl web-slinging Avenger lema chang Tom Holland nen 'Spider-Man 4'-ah an inlan dawn a ni.

Comic book adventure-ah tu lem nge a chan ve dawn tih la chiang lo mah se, a chanvo tur hi a pawimawh tur thu sawi a ni. 'X-Men' mutant Jean Grey lemah a chang thei dawn niin an sawi bawk, he character hi tun hmain Famke Janssen leh Sophie Turner-te'n an lo chang tawh a ni.

Kum 22 mi Sink hi Netflix series, 'Stranger Things' aṭanga mite hriat hlawh ni chhoin, Taylor Swift music video “All Too Well: The Short Film”-ah pawh Dylan O’Brien nen an lo inlan dun tawh a ni. Sink hi tunhnaiah lemchan khawvelah a hlawhtling chho hle a, SXSW-a world premiere neih tur Searchlight musical “O’Dessa”-ah a inlan dawn bakah, kumin April thla hian Broadway debut a nei dawn a, 'John Proctor Is the Villain' show-ah a chang dawn a ni.