Ant-Man-in box office-ah hma a hruai

Marvel-in a tihchhuah thar, Ant-Man chu North America-ah a hlawhtling hle a, kar kalta chhung khan dollar mtd 58 a hlawh chhuak thei. Marvel movie tihchhuah 12 te chuan heti hian box office-ah pakhatna an hauh ta.

A tir tak chuan Ant-Man hian dollar mtd 60 aṭanga 65 vel hmuchhuak tura beisei a ni a, beisei a pha lo. The Incredible Hulk tihchhuah hnua Marvel-in movie a tihchhuah che chhe leh ber a ni. The Incredible Hulk kha kum 2008-a tihchhuah a ni a, opening week-ah dollar mtd 55.4 a hlawh chhuak a ni.

US pawnah erawh Ant-Man hi a hlawhtling pangngai viau a, Captain America: The First Avenger leh Thor te ai chuan a hlawhtling mah zawk. Ram 37-ah chhuah a ni a, heng aṭangte hian dollar mtd 56.4 zet tunkar tawp khan a hlawh chhuak a, ti hian a sum hmuh chhuah tawh zawng zawng chu dollar mtd 114.4 a ni.

Pahnihnaah hian animated movie Minions kha a la awm a, dollar mtd 50.2 zet a lalut thei. He movie hian North America bikah hian dollar mtd 216.7 zet a hlawh chhuak tawh. Pathumnaah Trainwreck a awm a, he movie hi a thar a ni a, a rawn thleng sang hle a ni. Dollar mtd 30.2 chu kar tawp chhung khan a lalut.

Box office movie

"Ant-Man" - $mtd58

"Minions" - $mtd50.2

"Trainwreck" - $mtd30.2

"Inside Out (2015)" - $mtd11.7

"Jurassic World" - $mtd11.4

"Terminator Genisys" - $mtd5.4

"Magic Mike XXL" - $mtd4.5

"The Gallows" - $mtd4

"Ted 2" - $mtd2.7

"Mr. Holmes" - $mtd2.5