Hlimhlimi hla thar a hlawhtling

Rainbow Ṭhazual Fakna chart tihchhuah tharah Hlimhlimi chuan 'Ka fak ang che' tih hla hmangin pakhatna a hauh.

Hlimhlimi hla ''Ka fak ang che' tih hi pahnihnaa awm lawk loin pakhatnaah a rawn kai a, Rainbow Ṭhazual Fakna tihchhuah hmasakah khan palinaah awmin, pathumna leh pahnihna zuan khumin pakhatna a rawn luah thei a ni.

He hla hi May thla chawhnu lama MDM library-a dah kha a ni a, May 25 khan pasarihnaah a rawn lang nghal a, June thla khan pasarihnaah bawk ṭhuin, June 23-a Rainbow Ṭhazual Fakna tihchhuah a nih khan palinaah a rawn chuang kai ta a ni. Palina aṭangin pakhatna a rawn zuang chho thei. He music video hi ama pual liau liau a pathumna a ni a, a vai chuan music video pali a tichhuak tawh.

'Ka fak ang che' tih hla Blue Waves-a record a ni a, video hi SVP kutchhuak a ni. A hla a dangdai a, jazz music lam a ni a, a nalh dangdai viau a, a hla muang ang reng a, sak har zet tur a ni. BZA hian he hla sumdawnna rilru pu loa an siam a nih thu a sawi a, document atana ti an ni deuh ber tih a sawi.

A hmaa pakhatna, Bethsy, Pensy leh Temi te sak 'Mamawh chhanna Lal Isua' tih chu pahnihnaah a chhuk thla a, Mizo Idol Grace Lalchhanhimi chu pangana aṭangin pathumnaah a rawn chho ta thung. Parukna aṭangin Vanlalpari chu palinaah a rawn kai a, TBC-a chu pathumna aṭangin panganaah a tla thla. Top 10 aṭangin Betea a chhuak a, Lalhlumawii chu 'Aw ropui ber' tih hla nen top 10-ah a rawn lang thar.

Rainbow Ṭhazual Fakna
1 Hlimhlimi - Ka fak ang che
2 Bethsy, Pensy, Temi - Mamawh chhanna Lal Isua
3 Grace Lalchhanhimi - Aw ropui ber
4 Vanlalpari - I ropui nan
5 TBC-a - Min tlan ta
6 Ark of Melody - Thlarau thianghlim hruai
7 One In Christ - Ka zai anga
8 T Lalrinfela - Lalpa hmantlak
9 C Lalrindiki - Mamawh chhanna
10 Lalhlumawii - Aw ropui ber