VFX leh Animation Studio Cinesite-in USD mtd 215 hmuchhuak

Global visual effects leh animation studio collective, Cinesite group chuan tun hnai kar engemaw zat chhunga VFX giant MPC leh, a parent company Technicolor tlakchhiatna avanga VFX industry in harsatna nasa tak an tawh karah an hnathawh chu chhunzawm zelin, technological innovation leh strategic expansion neih theih nan kawng hrang hrang dapin, USD mtd 215 lai an hmuchhuak.

NatWest Corporate Bank chu Cinesite investment sum lu ber an ni a, studio bank hmanlai mek Barclays leh Santander-te nen an thawk dun. Shareholder Gryphion pawh sum thawhtu zinga tarlan a ni bawk. Gryphion chief investment officer, William Ford chuan, funding package hian Cinesite-a shareholder leh bank-te’n industry lo ṭhan chhoh zelna tura an rinna leh visual narrative ṭha tak tak mamawh chhunzawm zelna a tilang chiang hle a ni, a ti.

Kum 1991-a din, London-a headquarter nei Cinesite hian London, Montreal leh Vancouver-ah studio a enkawl a, Cinesite Group-ah hian Image Engine, Trixter, Imaginarium Studios, L’Atelier Animation, FX3X, Assemblage Entertainment, leh Squeeze Animation te pawh an tel a ni.

Tun hnaiah VFX industry chuan buaina tawkin, thla hmasa khan Technicolor chu a tlachhe nghal. Technicolor hi VFX giant MPC, commercial VFX studio The Mill leh Mirkros Animation-te parent company a ni. Tun kar chhung khan UK-a VFX firm Jellyfish Pictures chuan a lei duhtu an zawn laiin an hnathawhna an tihtawp thu an sawi.

Cinesite project thar tur zingah hian Alex Garland's “Warfare,” Michael Jackson biopic “Michael,” , Amazon Viola Davis channa “G2O” leh Paramount Animation Chris Miller kaihhruai “Smurfs” film te a tel.