Oasis-in Film tichhuak dawn

English rock band, Oasis chuan an reunion tour neih tur atan film an tichhuak dawn tih Sony Music chuan Ningani khan an puang. He film hi Peaky Blinders director Steven Knight siam niin, Dylan Southern leh Will Lovelace-ten an direct dawn niin tarlan a ni; tlangzarh hun tur erawh puan a la ni lo.

He film hi Sony Music Vision-in an pe chhuak dawn a, Magna Studios siam niin Producer-te chu Sam Bridger leh Guy Heeley-te an ni. Executive producer-ah Marisa Clifford leh Kate Shepherd te an tel bawk. Liam leh Noel Gallagher te hi kum tam tak chhung chu an inkar boruak a ṭha lo hle a, hei vang hian Oasis tour hi kum 2025 chhunga concert tour nghahhlelhawm ber pawl a ni

Oasis hian kumin July thla hian Wales-ah tour an ṭan dawn a, England, Scotland leh Ireland ah an chhunzawm ang. Toronto-ah North American leg an ṭan ang a, Chicago Soldier Field U.S.-ah neih chhunzawmin, England ah tour hi an khar dawn a ni.