USD mtd28 zet a ba

Hman ni khan 50 Cent hian a tlachhia a, a ba neihte pek tur pawisa nei tawh lo angin court-ah a insawi a, court chuan a bat zawng zawngte chhut chhuaka hriattir tura a hrilh angin 50 Cent hian a ba hi court-ah a thlen a, a bat zawng zawng hi dollar mtd 28 zet a ni.

Mi video an phal­na loa a tihchhuah avangin court chuan zangna­dawmna pawisa pe turin a hriattir tawh a, hei bakah hian 50 Cent hian thubuai tam tak a nei bawk. Chu chu Sleek Audio nen a ni. Audio Sleek hi Florida-a mi a ni a, an headphone siam chhuah chu 50 Cent hian a ru nia puhin court chuan 50 Cent hi thiam loh a chantir a, dollar 18,428,257 pe turin a hriattir.

Hengte nena 50 Cent-in pawisa a bat zawng zawng zat hi dollar 28,478,920.75 a ni.

50 Cent hian court-ah a bankrupt a ni tih a thehlut a, chhanhimna court-ah hian a zawng a ni. A bankrupt tih hi court-in a pawmpui chuan miin amah thubuai siamsak a, thiam an chan hlauha hlawkna an tel tur an beisei ṭhin lakah te, a chhiah pek tur leh ba a pek tur chungchangah te court chuan dan hmangin a humhim thei ang a, zangkhai zawkin a siamsak thei dawn a ni.