Kanye West-in, Sean 'Diddy' Combs nen thawh dunna hla thar ti chhuak

Rapper thawm nei lian leh chanchin maksak tak tak nei ṭhin Kanye West chuan, Inrinni liam ta khan a hla thar “Lonely Roads Still Go to Sunshine,” tih chu a ti chuak. He hla ah hian thu buai hrang hrang vanga lungin tang mek Sean 'Diddy' Combs leh a fapa Christian "King" Combs bakah West fanu kum 11 a upa North West-te nen an thawk ho a ni.

West hla thar tih chhuahah hian thawhpui a nei danglam leh hle a, khing bakah khian Jasmine Williams chuan hla tharah hian a pui bawk a ni. Sawi hlawh Diddy hian lungin aṭangin a pui niin an sawi bakah, West-a nupui hlui leh North West nu ni bawk Kim Kardashian chuan hla thar tih chhuah hi dan hmanga block tir a lo tum ve bawk niin an tarlang.