Technical problem vangin Journey concert ti tawp

Legendary rock band tia chhal ngam Journey chuan, March 14 khan Texas-a NRG Stadium-ah Houston Livestock Show and Rodeo huaihawtin concert an nei. Journey hian, 1981 kuma an hla hit 'Don't Stop Believin' an perform laiin concert hi tih tawp a ni, band member-te hi video viral aṭanga alan danin greenroom lam panpui nghal an ni bawk.

Harsatna chhuah chhan hi band lam chuan tarlang lo mah se, Concert buatsaihtu Houston Rodeo lam chuan Facebook-ah thuchhuah siamin concert tih tawp a nih chhan an rawn tarlang thung, "Electric kal sual vangin kang mei te nau a chhuak a, hei vang hian concert chu tih tawp a ngaih phah a ni. Concert hi chhunzawm a nih leh nih loh tur bakah ticket refund a nih dawn chuan rang takin kan inhriattir leh ang" tiin thuchhuah an siam.