K-Pop contest-a tel tur an thlang

Korean Cultural Centre India (KCCI) leh Mizoram sorkar ṭangkawpa July 25-a K-Pop Contest neih turah tel tur thlan chhuah a ni. Online contest kaltlangin K-pop contest, preliminary round-a tel tur hian lâm huang chhungah 4our, A-5, Zo-i, Be Bangtan, War1, Army Girls, Dance Xenos, Frozen Crew leh R-Miracle te thlan an ni a, zai lamah chuan Priyanka, Lushai Diamonds, Jared B, Shraddha Sinha, Carolina Norbu, Mettuki United M.U, FMY, 2’cuz leh Bluzz te an tel ang. Henga a ti ṭhate hi Delhi-a intihsiakna pui zawkah an tel leh dawn a ni.