Zaninah "Bang Lehlam" tlangzarh dawn

Zaninah Mizo film industry tana bungthar danglam tak, film industry huanga la awm zen zen lo leh kan la hmuh ngai zen zen loh tur, Mizo traditional fiction movie 'Bang Lehlam', tih chu tlangzarh a ni dawn ta. Bang Lehlam film-ah hian Mizo lemchan huanga thawm nei lian tak tak kan hmu thei dawn a ni. Zanin dar 8-ah Vanapa Hall-ah tlangzarh a nih rualin Lersia Play-ah lei theih a ni bawk ang.

Film thar hi Mizo kut chhuaka kan la hmuh tam loh, time travel lam hawi niin, tunlai nun leh hmanlai nun pholang thei bakah, ṭhangthar hmanlai nun phung hrelo te tan pawha thil thar hriat theihna tur lam hawi a ni. Film thar hi Beer Seba Production leh Haikhawpui Film Industry-te produce niin, Director& script writer hi Lalhmunsanga a ni. B Lego Pictures chu Cinematographer niin VFX-hi DEMIX-in an buaipui bawk.

Film thar OST atan hian Young Fella hla 'Pialral Pahnih' hman a ni dawn bawk. Film thar ah hian Mendal Lalruatpuia, Zodinpuia, Remsangpuia, Zohmingliana, H.Lalhruaizela, Lalsiamkima, Lalnunpuii, Lalremsiami, Pc Lalchhuanawma, RK Ngurnunsangate an in lan dawn bawk a ni.